ასეულ ათასობით ადამიანი მონაწილეობს საფრანგეთში 19 იანვრის გაფიცვაში, რომელიც მიმართულია დაგეგმილი საპენსიო რეფორმის წინააღმდეგ.
გაფიცვისკენ მოწოდება გამოთქვა რამდენიმე მსხვილმა პროფკავშირულმა გაერთიანებამ.
არ მოძრაობს ავტობუსები და მატარებლები, მთელ ქვეყანაში დაიხურა არაერთი სკოლა.
პარიზში, ნანტში, ბორდოში და ბევრ პატარა ქალაქში დაგეგმილი იყო დემონსტრაციები და შეხვედრები.
წევრების რაოდენობით საფრანგეთის უდიდესმა „პროფკავშირთა დემოკრატიულმა გაერთიანებამ (CFTD) უკვე განაცხადა წარმატების შესახებ.
შრომის დასაქმების და ინტეგრაციის მინისტრმა, ოლივიე დუსოპმა განაცხადა, რომ მას კარგად ესმის დასაქმებულთა საზრუნავი. თუმცა, იქვე საყვედური გამოთქვა პროფკავშირების მიმართ, რომ ის მათ გამიზნულად აქეზებს.
საფრანგეთის მთავრობას სურს საპენსიო ასაკი ეტაპობრივად გაზარდოს 62-დან 64 წლამდე. მთავრობა თვლის, რომ მხოლოდ ასე იქნება შესაძლებელი საპენსიო სისტემის დაფინანსება მოსახლეობის დაბერების ანუ ხანდაზმული ასაკის მოქალაქეების რაოდენობის ზრდის პირობებში.
პროფკავშირები შიშობს, რომ რეფორმა საფრთხეს უქმნის დასაქმებულთა, ბრძოლით მოპოვებული უფლებებს.
