მოფარიკავე სანდრო ბაზაძე ტუნისში გამართულ პრესტიჟულ საერთაშორისო ტურნირზე – გრან პრიზე ოქროს მედალს დაეუფლა. 29 წლის სპორტსმენმა, ხმლით ფარიკაობაში, ფინალის გზაზე ხუთი შეხვედრა ჩაატარა და რუმინელი, იაპონელი, ორი გერმანელი და უნგრელი მეტოქეები დაამარცხა. გადამწყვეტ ბრძოლაში კი ტოკიოს ოლიმპიური თამაშების ფინალისტს – იტალიელ ლუიჯი სამელუს აჯობა, ანგარიშით 15:8.
სანდრო ბაზაძემ გრან პრის ჩემპიონის ტიტული პირველად მოიპოვა. აქამდე მის ანგარიშზე ვერცხლის და ბრინჯაოს მედლები იყო. 2022 წლის ზაფხულიდან მოყოლებული, ბაზაძე სულ ხუთ საერთაშორისო შეჯიბრებაზე გამოვიდა ხუთივეზე საპრიზო სამეულში მოხვდა.
