რუსეთმა ხუთშაბათს დილით უკრაინაზე სარაკეტო დარტყმების ახალი ტალღა წამოიწყო, რის შედეგადაც ღამის საათებში უპილოტო საფრენი აპარატით თავდასხმის შემდეგ, ერთი ადამიანი დაიღუპა. ამასთან, მძიმე ბრძოლები გრძელდება აღმოსავლეთში, სადაც მოსკოვის ძალები აძლიერებენ ზეწოლას უკრაინის ჯარზე.
რუსეთმა ახალი სარაკეტო თავდასხმები მას შემდეგ განახორციელა, რაც პრეზიდენტმა ვოლოდიმირ ზელენსკიმ უკრაინელებს ყოველდღიური სიტყვით მიმართა. მანამდე ცოტა ხნით ადრე, გერმანიამ და შეერთებულმა შტატებმა პირობა დადეს, რომ კიევს მოწინავე საბრძოლო ტანკებს მიაწოდებდნენ. საკუთარ მიმართვაში ზელენსკიმ დასავლელ მოკავშირეებს სთხოვა, კიევს შორი რადიუსის რაკეტები და სამხედრო თვითმფრინავებიც მიაწოდონ, უკრაინის საჰაერო თავდაცვის გასაძლიერებლად.
კიევის მერმა ვიტალი კლიჩკომ განაცხადა, რომ ერთი ადამიანი დაიღუპა და ორი დაიჭრა დედაქალაქზე თავდასხმის შედეგად. მან მოსახლეობას თავშესაფრებში დარჩენისკენ მოუწოდა.
კიევის სამხედრო ადმინისტრაციის ხელმძღვანელმა სერხი პოპკომ განაცხადა, რომ საჰაერო თავდაცვამ დედაქალაქის თავზე 10-ზე მეტი რაკეტა გაანადგურა.
“მტერმა კიევის მიმართულებით 15-ზე მეტი ფრთოსანი რაკეტა გაუშვა. საჰაერო თავდაცვის შესანიშნავი მუშაობის წყალობით, ყველა მათგანი ჩამოვაგდეთ”, – განაცხადა მან.
