პოლონეთი გერმანიას მიმართავს თხოვნით, მისცეს მას Leopard 2-ის ტიპის ტანკების უკრაინისთვის მიწოდების ნებართვა“ – განაცხადა 23 იანვარს პოლონეთის პრემიერ-მინისტრმა, მატეუშ მორავიეცკიმ. პოლონეთის პრემიერს არ დაუზუსტებია, როდის აპირებს მიმართოს თხოვნით გერმანიას. მორავიეცკიმ ასევე თქვა, რომ პოლონეთი შექმნის ქვეყნების გაერთიანებას, რომლებიც მზად იქნებიან, გაუგზავნონ ტანკები უკრაინას.
AP-ი მორავიეცკის ნათქვამის იმოწმებს, თუ გერმანია არ მისცეს პოლონეთს უფლებას, ვარშავა საკუთარ გადაწყვეტილებას მაინც მიიღებს: „ჩვენ გერმანიას ნებართვას ვთხოვთ, მაგრამ ეს მეორეხარისხოვანი საკითხია“- განაცხადა მორავიეცკიმ.
22 იანვარს გერმანიის ფედერაციული რესპუბლიკის საგარეო საქმეთა მინისტრმა, ანალენა ბერბოკმა განაცხადა, რომ გერმანია მზად არის, პოლონეთს უფლება მისცეს მის შეიარაღებაში არსებული Leopard 2-ის ტიპის ტანკები უკრაინას გაუგზავნოს რუსეთის აგრესიის წინააღმდეგ საბრძოლველად. ბერბოკის თქმით, გადაწყვეტილება შესაძლებელია მიღებულ იქნეს, თუკი ბერლინი ასეთ მოთხოვნას მიიღებს ვარშავისგან. „თუკი ჩვენ გვკითხავენ ამის თაობაზე, ჩვენ გზაზე არ გადავეღობებით ამას“, – განაცხადა ბერბოკმა და დასძინა, რომ „ვიცით, რამდენად მნიშვნელოვანია ეს ტანკები, ამიტომ ჩვენს პარტნიორებთან განვიხილავთ ამას. ისე უნდა ვიმოქმედოთ, რომ მოხერხდეს ადამიანების სიცოცხლის გადარჩენა და უკრაინის გათავისუფლება.“
