საქართველოს პრემიერ-მინისტრი ირაკლი ღარიბაშვილი ფრანგული კომპანიის – ADP ჯგუფის ვიცე-პრეზიდენტს, ედვარდ ორქრაითს შეხვდა. ამ კომპანიამ ეკუთვნის Tav Airports-ის აქტივების განკარგვის უფლება, შესაბამისად თბილისისა და ბათუმის საერთაშორისო აეროპორტებს მართავს.
“მხარეებმა ისაუბრეს თბილისის საერთაშორისო აეროპორტის გრძელვადიანი განვითარების გეგმაზე, რომელზე მუშაობაც დასრულების ფაზაშია. მთავრობის მეთაურმა დელეგაციის წევრებს ე.წ. „მასტერპლანთან“ დაკავშირებით საკუთარი მოსაზრებები გააცნო და აღნიშნა, რომ საქართველოს მთავრობა მზადაა სამომავლოდ აქტიური თანამშრომლობისთვის, მათ შორის, ახალი ავიახაზებისა და ახალი მარშრუტების სტიმულირების მიმართულებით. რაც შეეხება ბათუმის საერთაშორისო აეროპორტის განვითარების გეგმას, აღნიშნული მიმართულებით მუშაობა მიმდინარე წლის თებერვალში დასრულდება”, – წერია მთავრობის პრესსამსახურის გავრცელებულ ინფორმაციაში.
ADP ჯგუფი TAV Airports-ის მართვას 2025 წლის 24 მაისიდან დაიწყებს და 25-წლიანი ვადით, 2050 წლის 23 მაისამდე მართავს.
