გერმანია უკრაინას გაუგზავნის “ლეოპარდ 2-ის” ტიპის ტანკებს და დაამტკიცებს მათ ხელახალ ექსპორტს პარტნიორი ქვეყნებიდანაც, აცხადებს გერმანიის მთავრობის პრესმდივანი შტეფენ ჰებერშტრაიტი 25 იანვარს.
მიზანია სწრაფად შედგეს “ლეოპარდ 2-ის” ტიპის ტანკების ორი ბატალიონი უკრაინისთვის – ვკითხულობთ განცხადებაში, რომელშიც ასევე ნათქვამია, რომ გერმანია, პირველი ნაბიჯის ფორმით, თავისი არსენალიდან გამოყოფს “ლეოპარდ 2-ის” ტიპის 14 ტანკს.
გერმანიაში მალე დაიწყება უკრაინელი სამხედროების წვრთნა და, ამავე დროს, გერმანია გამოვა ლოგისტიკური დახმარებით და საჭირო საბრძოლო მასალებით, ნათქვამია განცხადებაში.
