FBI-ის ყოფილ მაღალჩინოსანს ბრალი წაუყენეს რუსეთისთვის აშშ-ის მიერ დაწესებული სანქციების დარღვევაში, ოლიგარქ ოლეგ დერიპასკასგან თანხების ფარულად მიღებით – აცხადებენ პროკურორები 23 იანვარს.
ჩარლზ მაკგონიკალი, რომელიც ნიუ-იორკში ხელმძღვანელობდა კონტრდაზვერვის დანაყოფს, 21 იანვარს დააკავეს, ბრალდებით, რომ დერიპასკასგან თანხების მიღების სანაცვლოდ ის დათანხმდა გამოეძიებინა მეტოქე ოლიგარქი – ეს ინფორმაცია მანჰეტენის ფედერალურმა პროკურორებმა გამოაცხადეს.
ვაშინგტონმა დერიპასკას სანქციები 2018 წელს დაუწესა. იტყობინებოდნენ, რომ ბიზნესმენი რუსეთის ხელისუფლების ინტერესებს ატარებს მთელ მსოფლიოში, მათ შორის ფლობს და ათეთრებს რუსეთის პრეზიდენტის, ვლადიმირ პუტინის აქტივებს. გარდა ამისა, იგი ეჭვმიტანილი იყო ამერიკის არჩევნებში ჩარევაში.
