ევროპის კავშირის პარლამენტის უმრავლესობას სურს, რომ ევროკავშირის ტერორისტულ ორგანიზაციათა სიაში შეყვანილ იქნას ირანის ისლამური რევოლუციის გუშაგთა კორპუსი.
ამ მოთხოვნის საფუძვლად განცხადებაში მოყვანილია კორპუსის „ტერორისტული საქმიანობა,“ დემონსტრაციების ჩახშობა და რუსეთისთვის დრონების მიწოდება.
ევროპარლამენტის მოთხოვნას აქვს სიმბოლური მნიშვნელობა და არ გააჩნია იურიდიული ძალა.
ევროკავშირს მიმართ გამოითქმის საყვედური, რომ ის საკმარისს არ აკეთებს ირანის გუშაგთა კორპუსის ტერორისტულ ორგანიზაციად გამოცხადებისთვის.
გერმანიის საგარეო საქმეთა სამინისტრომ შარშან დეკემბერში თქვა, რომ კორპუსის ტერორისტულ ჯგუფად გამოცხადებას სამართლებრივი წინაღობები აქვს. გერმანიის საგარეო საქმეთა მინისტრმა ანალენა ბერბოკმა ახლახან განაცხადა, რომ ევროკავშირს სურს, ზეწოლა გააძლიეროს, განსაკუთრებით გუშაგთა კორპუსზე.
ირანის ისლამური რევოლუციის გუშაგთა კორპუსი სამხედრო, კარგად შეიარაღებული ელიტური შენაერთია, რომელსაც ძლიერი ეკონომიკური და პოლიტიკური გავლენა აქვს ირანში.
