
დნეპრში მრავალსართულიან კორპუსზე რუსეთის სარაკეტო თავდასხმის შედეგად დაღუპულთა რიცხვი 21-მდე გაიზარდა. მათ შორის, 1 ბავშვია. ადგილობრივი დროით 11:30 საათის [თბილისის დროით 13:30 საათი] მონაცემებს დნეპროპეტროვსკის რეგიონის გუბერნატორი, ვალენტინ რეზნიჩენკო ტელეგრამ არხზე ავრცელებს.
მისივე ცნობით, გრძელდება სამაშველო და სამძებრო სამუშაოები, ასევე ხანძრის ქრობის პროცესი. ნანგრევებიდან 39 დაზიანებული მანქანა ამოიღეს.
რეგიონული საბჭოს ხელმძღვანელის მიკოლა ლუკაშუკის ცნობით, სულ მცირე 35 ადამიანი კვლავ უგზო-უკვლოდ დაკარგულად ითვლება, ხოლო 73 დაშავდა.
14 იანვარს აღმოსავლეთ-ცენტრალურ უკრაინაში, ქალაქ დნეპრში რუსეთის სარაკეტო თავდასხმების სერიის დროს, ცხრასართულიანი საცხოვრებელი კორპუსი დაინგრა. მოსკოვის მხრიდან თავდასხმების შესახებ კომენტარი არ გაკეთებულა.