დადასტურდა, რომ ჰუმანიტარული დახმარების ბრიტანელი მოხალისეები, კრის პერი და ენდრიუ ბეგშოუ დაიღუპნენ აღმოსავლეთ უკრაინაში ჰუმანიტარული ევაკუაციის მცდელობის დროს, გაავრცელა ცნობა პერის ოჯახმა 24 იანვარს, რამდენიმე კვირის შემდეგ, რაც ისინი დაიკარგნენ ომის შედეგად განადგურებულ ქვეყანაში.
„დიდი მწუხარებით უნდა გამოვაცხადოთ, რომ ჩვენი საყვარელი კრისი თავის კოლეგასთან, ენდრიუ ბეგშოუსთან ერთად მოკლეს, როდესაც ევაკუაციას ცდილობდნენ სოლედარიდან, აღმოსავლეთ უკრაინაში“, – ნათქვამია მისი ოჯახის განცხადებაში.
”ჩვენ ძალიან ვამაყობთ მისით, თავდაუზოგავმა გადაწყვეტილების გამო, დახმარებოდა მოხუცებს, ახალგაზრდებს და გაჭირვებულებს“… ნათქვამია გაერთიანებული სამეფოს საგარეო საქმეთა სამინისტროს მიერ გავრცელებულ განცხადებაში.
სააგენტოს თანახმად, იანვრის დასაწყისში რუსულმა კერძო სამხედრო შენაერთმა „ვაგნერმა“ განაცხადა, რომ მისმა სამხედროებმა იპოვეს ერთ-ერთი მუშაკის ცხედარი, რომელიც, სავარაუდოდ, დაკარგული იყო აღმოსავლეთ უკრაინაში. ორი ბრიტანელის სიკვდილის სხვა გარემოები არ არის ცნობილი.
