გერმანიის საგარეო საქმეთა მინისტრი, ანალენა ბერბოკი 13 იანვარს გამოვიდა მოწოდებით უფრო გაღრმავდეს თანამშრომლობა ევროპის კავშირსა და აფრიკის კავშირს შორის, საიმისოდ, რომ რეაგირება იყოს მსოფლიოში არსებულ კრიზისებზე, მათ შორის უკრაინაში რუსეთის შეჭრაზე, კლიმატის ცვლილებებზე და საკვების დეფიციტზე.
აფრიკის კავშირის (AU) ლიდერების წინაშე გამოსვლაში, ეთიოპიის დედაქალაქ ადის-აბებაში, ბერბოკმა თქვა, რომ გერმანიას, საფრანგეთს და ევროპის სხვა ქვეყნებს აფრიკისგან მხარდაჭერის იმედი აქვთ.
“ჩვენ, როგორც ევროპელებს, გვჭირდება მსოფლიოში ჩვენი მეგობრების და პარტნიორების მხარდაჭერა, დროში, როცა ევროპაში მშვიდობას უტევს რუსეთის აგრესიის ომი” – თქვა მან.
ბერბოკმა აფრიკის კავშირს ასევე მოუწოდა მხარდაჭერისკენ გაეროს უშიშროების საბჭოს რეფორმირების საქმეში, საიმისოდ, რომ საბჭოს დაემატოს წევრები, მათ შორის აფრიკის ორი წარმომადგენელი.
