ბელარუსის სამთავრობო არხ, „ბელარუს 1“-ის თანახმად ქვეყნის სპეცსამსახურმა დააკავა საქართველოს მოქალაქე, გიორგი ზირაქაშვილი, რომელიც უკრაინაში საომრად აპირებდა წასვლას.
სიუჟეტში ნათქვამია იყო, რომ 36 წლის ზირაქიშვილი პოლონეთში ცხოვრობდა და ტაქსის მძღოლად მუშაობდა. მაგრამ პოლონეთიდან საქართველოში ჩასულ ზირაქაშვილს ევროკავშირში შესვლა აეკრძალა საიმიგრაციო წესების დარღვევის გამო.
სიუჟეტის თანახმად, საქართველოში მყოფმა ზირაქაშვილმა გადაწყვიტა შესულიყო „ქართული ლეგიონის“ რიგებში და ებრძოლა უკრაინის მხარეზე. რადიო თავისუფლების ბელარუსული სამსახურის ცნობით, საქართველოს მოქალაქე ძალოვნებმა ბელარუსში დააკავებს.
ბელარუსის სახელმწიფო ტელეარხის სიუჟეტის ავტორმა მინსკში მდებარე უკრაინის საელჩო დაადანაშაულა ომში მონაწილეობისთვის ადამიანების გადაბირებაში. კერძოდ, უკრაინის საელჩოში თითქოს სთავაზობს მოხალისეებს უკრაინაში გამგზავრებას ბელარუსის, მოლდოვისა და პოლონეთის გავლით.
როგორც რუსულენოვანი არხი „ნასტაიაშჩეე ვრემია“ წერს, ბელარუსის სახელმწიფო ტელეარხის წამყვანმა, ყოველგვარი მტკიცებულების გარეშე, ღიად დაადანაშაულა უკრაინის საელჩო და ელჩი, იჰორ კიზიმი, საომრად ხალხის გადაბირებაში.
რაც შეეხება „ოპერატიულ კადრებს, რომელიც თითქოსდა ეჭვმიტანილი მამაკაცის უკრაინის საელჩოს სავარაუდო თანამშრომლებთან შეხვედრას ასახავს, „ნასტაიაშჩეე ვრემიას“ მტკიცებით, სინამდვილეში, ესენი არიან ბელარუსი ძალოვნები და არა საელჩოს თანამშრომლები.
რადიო თავისუფლება დაუკავშირდა “ქართული ლეგიონის” მეთაურ მამუკა მამულაშვილს, რომელმაც განაცხადა, რომ მისთვის უცნობია ბელარუსის სახელმწიფო მედიის სიუჟეტში ნახსენები პირის ვინაობა.
