გერმანიის კანცლერმა, ოლაფ შოლცმა ამერიკელ კონგრესმენს განუცხადა დავოსში მიმდინარე ეკონომიკურ ფორუმზე, რომ გერმანია უკრაინას მიაწვდის მძიმე შეიარაღებას, თუ აშშ-ც გაუგზავნის ტანკებს უკრაინას.
ამის შესახებ AFP-ს განუცხადა აშშ-ის წარმომადგენელთა პალატის საგარეო საქმეთა კომიტეტში უმაღლესმა წარმომადგენელმა დემოკრატიული პარტიიდან, გრეგორი მიკსმა.
შოლცი მზარდი ზეწოლის ქვეშაა ევროპელი პარტნიორების მხრიდან, რომლებიც ბერლინისგან ითხოვენ უკრაინას მიაწოდოს თავისი წარმოების „ლეოპარდის“ ტიპის ტანკები.
„არსებითად, ეს უნდა იყვნენ აშშ და გერმანია. ამაში ეჭვი არ არის,“ – უთხრა სააგენტო AFP-ს კონგრესმენმა მიკსმა დავოსში გერმანიის კანცლერთან შეხვედრის შემდეგ.
