დიდი ბრიტანეთის მთავრობამ განაცხადა, რომ პარასკევს რუსეთის ჩრდილოვანი ფლოტის 100-მდე ტანკერს სანქციების სიაში დაამატებს.
მთავრობის პრესრელიზში ნათქვამია, რომ ტანკერები რუსეთის ნავთობის ექსპორტის ჩრდილოვანი ფლოტის ბირთვს წარმოადგენენ და 2024 წლის დასაწყისიდან 24 მილიარდი დოლარის ღირებულების ნავთობი გადაზიდეს.
დიდმა ბრიტანეთმა უკვე დააწესა სანქციები რუსული ნავთობის გადამზიდავი რამდენიმე ათეული ტანკერის წინააღმდეგ.
პრემიერ-მინისტრი კირ სტარმერი ახალი სანქციების შესახებ გადაწყვეტილებას დღეს ნორვეგიის დედაქალაქ ოსლოში, ერთობლივი საექსპედიციო ძალების (JEF) წარმომადგენლების სამიტზე გამოაცხადებს, რომელიც 10 ქვეყანას აერთიანებს: დანიას, ესტონეთს, ფინეთს, ისლანდიას, ლატვიას, ლიეტუვას, ნორვეგიას, ნიდერლანდებს, შვედეთსა და გაერთიანებულ სამეფოს.
“რუსეთის მხრიდან ჩვენი ეროვნული უსაფროებისთვის საფრთხის შეუფასებლობა შეუძლებელია, ამიტომ გავაკეთებთ ყველაფერს რაც ჩვენს ხელთაა”, რათა პუტინის ჩრდილოვანი ფლოტი ჩავარდეს და მისი სამხედრო მანქანა ვერ იღებდეს ნავთობიდან შემოსავალს და “ჩვენი წყალქვეშა ინფრასტრუქტურა დავიცვათ“, – ციტირებს მთავრობის პრესსამსახური სტარმერის სიტყვებს.
ერთობლივი საექსპედიციო ძალების მონაწილე ქვეყნების ლიდერები პარასკევს ოსლოში ხვდებიან ერთმანეთს, რათა სხვა საკითხებთან ერთად, წყალქვეშა ინფრასტრუქტურის დაცვის საკითხი განიხილონ.
