ევროკავშირმა 5 ივნისს გააღრმავა კანონის უზენაესობის სფეროში მიმდინარე უთანხმოება თავის წევრ სახელმწიფოსთან, პოლონეთთან – როცა ბლოკის უზენაესმა სასამართლომ დაადასტურა, რომ ვარშავა არ დაემორჩილა ევროკავშირის წესებს სასამართლოს დამოუკიდებლობის შესახებ, რის გამოც მან უკვე დაკარგა ნახევარ მილიარდ ევროზე დიდი თანხა, ჯარიმების სახით.
ევროპის მართლმსაჯულების სასამართლომ 5 ივნისს გამოიტანა განაჩენი, რომ პოლონეთში 2019 წელს გატარებული მართლმსაჯულების რეფორმა ეწინააღმდეგებოდა ევროკავშირის კანონებს – მას შემდეგ, რაც ევროკავშირის აღმასრულებელმა შტომ, ევროკომისიამ დაასკვნა, რომ პოლონეთის უზენაეს სასამართლოს აკლდა დამოუკიდებლობისა და მიუკერძოებლობის აუცილებელი ხარისხი. “დღევანდელი განაჩენით სასამართლო ძალაში ტოვებს კომისიის ქმედებას” – ვკითხულობთ სასამართლოს განცხადებაში.
