აზერბაიჯანის თავდაცვის სამინისტროს პრესსამსახურის ხელმძღვანელმა, ანარ ეივაზოვმა 19 სექტემბერს საღამოს გამართულ ბრიფინგზე განაცხადა, რომ ითიან ყარაბაღში აზერბაიჯანის შეიარაღებულმა ძალებმა სომხური ძალების 60-ზე მეტი საბრძოლო პოზიცია დაიკავეს. მისი თქმით, „ანტიტერორისტული ღონისძიებების“ შედეგად განეიტრალებულია, 20-მდე სამხედრო მანქანა, 40-ზე მეტი საარტილერიო დანადგარი, 30-ზე მეტი 120-მმ და 82-მმ ნაღმმტყორცნი, 2 საზენიტო სარაკეტო გამშვები მოწყობილობა, 6-ზე მეტი რადიოელექტრონული სადგური და სხვა საბრძოლო საშუალებები.
აზერბაიჯანმა ყარაბაღში „ანტიტერორისტული ღონისძიებების“ დაწყება გამოაცხადა 19 სექტემბერს დილით. რადიო თავისუფლების სომხური სამსახურის თანახმად, საღამოს რვა საათისთვის მთიანი ყარაბაღის დედაქალაქიდან, სტეფანაკერტიდან მიღებული ცნობით, 25 ადამიანია დაღუპული, მათ შორის ორი – მშვიდობიანი მოქალაქე. საომარი მოქმედების დაწყებიდან დაშავებულია 138 პირი, მათ შორის 29 სამოქალაქო პირი.
საომარი მოქმედებების პირობებში შეუძლებელია მიღებული ცნობების სანდოობის შემოწმება დამოუკიდებელ წყაროების საშუალებით.
